||Devi Mahatmyam||
|| Devi Sapta Sati||
|| Chaoter 7||
||om tat sat||
Select text in Devanagari Kannada Gujarati English
uttara caritamu
mahāsarasvatī dhyānam
ghaṇṭāśūlahalāni śaṁkhamusalē cakraṁ dhanuḥ sāyakaṁ
hastābjairdadhatīṁ ghanāntavilasat śītāṁśu tulyaprabhām|
gaurīdēhasamudbhavāṁ trijagatām ādhārabhūtāṁ mahā
pūrvāmatra sarasvatīmanubhajē śumbhādi daityārdinīm||
||ōm tat sat||
=============
saptamādhyāyaḥ||
r̥ṣiruvāca||
ājñaptāstē tatō daityāḥ caṇḍamuṇda purōgamāḥ|
caturaṁgabalō pētā yuyurabhyudyatāyudhāḥ||1||
dadr̥śustē tatō dēvī mīṣaddhāsāṁ vyavasthitām|
siṁhasyōpari śailēndra śr̥ṁgē mahati kāṁcanē||2||
tē dr̥ṣṭvā tāṁ samādātuṁ udyamañcakrurudyataḥ|
ākr̥ṣṭacāpāsidharāḥ tathā'nyē tatsamīpagāḥ ||3||
tataḥ kōpaṁ cakārōccaiḥ ambikā tānarīnprati|
kōpēna cāsyā vadanaṁ maṣīvarṇamabhūt tadā||4||
bhrukuṭīkuṭilāt tasyā lalāṭa phalakāddrutam|
kāḷī karāḷa vadanā viniṣkrāntāsipāśinī||5||
vicitra khaṭvāṁgadharā naramālāvibhūṣaṇā|
dvīpicarmaparīdhānā śuṣkamāṁsāti bhairavā||6||
ati vistāra vadanā jihvālalana bhīṣaṇā|
nimagnāraktanayanā nādāpūrita diṁgmukhā||7||
sā vēgēnābhi patitā ghātayantī mahāsurān|
sainyē tatra surārīṇā mabhakṣayata tadbalam||8||
pārṣṇigrāhāṁ kuśagrāhi yōdhaghaṇṭā samanvitān|
samādāyaikahastēna mukhē cikṣēpa vāraṇān||9||
tathaiva yōdhaṁ turagai rathaṁ sārathinā saha|
nikṣipya vaktrē daśanaiḥ carvayaṁtyatibhairavam||10||
ēkaṁ jagrāha kēśēṣu grīvāyāmatha cāparam|
pādēnākramya caivānyamurasānyamapōthayat||11||
tairmuktāni ca śastrāṇi mahāstrāṇi tathāsuraiḥ|
mukhēnajagrāha ruṣā daśanaiḥ mathitānyapi ||12||
balināṁ tadbalaṁ sarvaṁ asurāṇāṁ durātmanām|
mamardābhakṣayaccānyān anyāṁścātāḍayattathā||13||
asinā nihatāḥ kēcit kēcit khatvāṅgatāḍitāḥ|
jagmurvināśamasurā dantāgrābhihatāstathā||14||
kṣaṇēna tadbalaṁ sarvaṁ asurāṇāṁ nipātitam|
dr̥ṣṭvā caṇḍō'bhidudrāva tāṁ kāḷīmatibhīṣaṇām||15||
śaravarṣairmahābhīmairbhīmākṣīṁ tāṁ mahāsuraḥ|
chādayāmāsa cakraiśca muṇdaḥ kṣiptaiḥ sahasraśaḥ||16||
tāni cakrāṇyanēkāni viśamānāni tanmukham|
babhuryathārkabimbāni subahūni ghanōdaram||17||
tatō jahāsātiruṣā bhīmaṁ bhairavanādinī|
kāḷī karāḷavaktrāntaḥ durdarśadaśanōjjvalā||18||
utthāya ca mahāsiṁhaṁ dēvī caṇdamadhāvata|
gr̥hītvā cāsya kēśēṣu śirastēnāsinācchinat ||19||
atha muṇḍō'bhyadhāvattāṁ dr̥ṣṭvā caṇḍaṁ nipātitaṁ |
tamapyapātayadbhūmau sā khaḍgābhihataṁ ruṣā||20||
hataśēṣaṁ tataḥ sainyaṁ dr̥ṣṭvā caṇḍaṁ nipātitaṁ|
muṇḍaṁ ca su mahāvīryaṁ diśō bhējē bhayāturam||21||
śiraścaṇḍasya kāḷī ca gr̥hītvā muṇḍamēvaca|
prāha pracaṇḍāṭṭahāsa miśramabhyētya caṇḍikām||22||
mayā tavātrōpahr̥tau caṇḍamuṇḍau mahāpaśū|
yuddhayajñē svayaṁ śumbhaṁ niśumbhaṁ ca haniṣyasi||23||
r̥ṣiruvāca||
tāvānītau tatō dr̥ṣṭvā caṇdamuṇdau mahāsurau|
uvāca kāḷīṁ kalyāṇī lalitaṁ caṇḍikā vacaḥ||24||
yasmāccaṇḍaṁ ca muṇḍaṁ ca gr̥hītvā tvamupāgatā|
cāmuṇḍēti tatō lōkē khyātā dēvi bhaviṣyasi||25||
iti mārkaṇḍēya purāṇē sāvarṇikē manvantarē
dēvī mahātmyē caṇḍamuṇda vathō nāma
saptamādhyāyaḥ ||
|| ōm tat sat||
=====================================
updated 27 09 2022 1800